З лагера мігрантаў у Літве больш за 30 чалавек уцяклі праз падкоп
34 чалавекі ўцяклі ўначы з лагера мігрантаў у Алітускім раёне. Двух з іх паліцыя зранку затрымала, піша delfi.lt.
Лагер мігрантаў быў зробелны ў былой школе. Уцекачы зрабілі падкоп пад плотам і збеглі. Паводле папярэдніх звестак, усе яны грамадзяне Ірака.
Для пошуку ўцекачоў паднялі верталёт памежнікаў EC–120 Colibri. Цяпер тэрыторыю лагера ахоўваюць вайскоўцы.
Знікненне 30 з 167 мігрантаў было заўважанае толькі дзякуючы работнікам муніцыпалітэта. Калі тыя сталі раздаваць талоны на харчаванне, то засталося шмат лішніх.
