За суткі 7 чалавек зніклі у лясах, дваіх усё яшчэ шукаюць выратавальнікі
За суткі ў МНС паступілі паведамленні пра знікненне ў лясах 7 чалавек. Падобныя інцыдэнты здарыліся ў розных абласцях краіны. Напрыклад, у Докшыцкім раёне шукалі дваіх маладых жанчын — праз гадзіну яны знайшліся, з імі ўсё ў парадку.
У Шумілінскім раёне шукалі дваіх мужчын і дзяўчыну, якія таксама хутка знайшліся.
У Івацэвіцкім раёне каля вёскі Старажоўшчына ў лесе знік мужчына 1939 года нараджэння — супрацоўнікі МНС шукалі яго разам з праваахоўнікамі, аднак пакуль не знайшлі. Знікла таксама 70-гадовая жанчына ў лесе каля аграгарадка Азёры пад Гродна — яе ўсё яшчэ шукаюць, паведамляе сайт МНС.
