Заявы амбасадаў ЗША і Вялікабрытаніі пра затрыманні ў Беларусі
Амбасады ЗША і Вялікабрытаніі ў Беларусі прынялі заявы пра затрыманні, якія прайшлі ў нашай краіне 19 чэрвеня — і ў Мінску, і ў рэгіёнах. У аўтазакі амапаўцы і "ціхары" заганялі ўдзельнікаў мірных акцый і журналістаў.
Амбасады ЗША і Вялікабрытаніі заклікаюць улады Беларусі вызваліць затрыманых, паважаць права на свабоду слова і сходаў.
У Мінску прайшлі затрыманні
Сённяшнія масавыя затрыманні журналістаў і мірных дэманстрантаў па ўсёй Беларусі з'яўляюцца непрымальнымі. Вялікабрытанія заклікае ўрад Беларусі паважаць права на свабоду слова і сходаў, а таксама вызваліць усіх адвольна затрыманых.
— UK in Belarus (@UKinBelarus) June 19, 2020
ЗША заклікаюць урад Беларусі прытрымлівацца сваіх міжнародных абавязацельстваў паважаць асноўныя свабоды і дазволіць народу Беларусі свабодна і мірна збірацца, а таксама вызваліць затрыманых, уключаючы журналістаў, якія асвятляюць сённяшняе мірны сход людзей.
— U.S. Embassy Minsk (@USEmbBy) June 19, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
