Жыхар Рэчыцы на Ford Focus пракаціў юнакоў на камеры ад кола, адзін загінуў
19-гадовы жыхар Рэчыцы на Ford Focus пракаціў двух падлеткаў на камеры ад кола грузавіка. Адзін хлопец загінуў, другі знаходзіцца ў рэанімацыі.
Трагічнае здарэнне адбылося ў нядзелю на грунтавой дарозе, пакрытай снегам, перад выездам на светлагорскую трасу. Камера ад кола была прывязаная да аўтамабіля (акрамя кіроўцы ў ім былі дзве дзяўчыны) з дапамогай троса для буксіроўкі. На закругленні дарогі камеру выкінула ў кювет, дзе юнакі ўдарыліся аб дрэва.
Як піша газета "Дняпровец", Следчы камітэт распачаў крымінальную справу. Адзначаецца, што загінуламу было 17 гадоў.
