Злодзей скраў гравюру Сальвадора Далі за 32 секунды
Злодзей скраў каляровую гравюру "Падпаленая жырафа" славутага іспанскага мастака Сальвадора Далі за 32 секунды. Яе вынеслі з выставы ў галерэі Сан-Францыска. Кошт экспаната складае каля 20 тысяч долараў.
Як інфармуе "Бі-Бі-Сі", камеры відэаназірання зафіксавалі, як у нядзелю ўдзень чалавек спартыўнага выгляду і ў спартыўным адзенні зайшоў у галерэю і неўзабаве, неспяшаючыся, выйшаў адтуль. У руках у яго была гравюра (яе памеры складаюць 50 на 60 сантыметраў).
Паліцыя высвятляе, ці зламыснікі самі адшпілілі трос, якім мацавалася гравюра да мальберта, ці гэта зрабіў нехта іншы раней.
It took just 32 seconds for a man to walk into a San Francisco art gallery and walk out with a $20,000 Salvador Dali etching in his hand. https://t.co/RHv7hjUhe2
— ABC7 News (@abc7newsbayarea) 15 октября 2019 г.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
