Зяленскі апублікаваў фатаграфіі з устаноўкай Patriot, якую перададуць Украіне
![Уладзімір Зяленскі з візітам у Германіі](/sites/default/files/styles/gallery_main/public/2024-06/zielia-1206-1.jpg.webp?itok=FDpWydPU)
Уладзімір Зяленскі з візітам у Германіі / t.me/V_Zelenskiy_official
Падчас візіту ў Германію Уладзімір Зяленскі апублікаваў фатаграфію ўстаноўкі СПА Patriot, якую перададуць Украіне.
Украінскі прэзідэнт наведаў вайсковую базу ў горадзе Заніц разам з міністрам абароны Германіі Барысам Пісторыусам. Ён таксама сустрэўся з украінскімі вайскоўцамі, якія праходзяць навучанне па выкарыстанні СПА Patriot.
Зяленскі падзякаваў Германіі за чарговы пакет дапамогі на суму 700 млн еўра. Паводле яго словаў, перадае Бі-Бі-Сі, УСУ атрымаюць не толькі яшчэ адну ўстаноўку Patriot (у дадатак да дзвюх перададзеных раней), але і якасныя нямецкія сістэмы IRIS-T.
Раней Зяленскі казаў саюзнікам у NATO, што Украіне для абароны гарадоў ад расійскіх ракетных атак неабходна яшчэ прынамсі сем сістэм Patriot.
У ноч на сераду New York Times са спасылкай на высокапастаўленых прадстаўнікоў амерыканскай адміністрацыі паведаміла, што прэзідэнт ЗША Джо Байдэн ухваліў адпраўку ва Украіну яшчэ адной сістэмы Patriot.
![Зяленскі апублікаваў фатаграфіі з устаноўкай Patriot, якую перададуць Украіне](/sites/default/files/styles/default_image_paragraph/public/paragraphs/image/zielia-1206-2.jpg.webp?itok=g-mT5Fyg)
![Зяленскі апублікаваў фатаграфіі з устаноўкай Patriot, якую перададуць Украіне](/sites/default/files/styles/default_image_paragraph/public/paragraphs/image/zielia-1206-3.jpg.webp?itok=-Plt-38X)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.