З'явілася праграма для галасавання на выбарах у Каардынацыйную раду
Мабільны тэлефон, ілюстрацыйнае фота / pexels.com
З'явілася праграма для галасавання на выбарах у Каардынацыйную раду. Першымі яе могуць атрымаць карыстальнікі андроідаў: Belarus ID ужо ёсць у Google play. Карыстальнікі IOS змогуць спампаваць праграму праз аплікацыю TestFlight.
Падрабязны гайд напісаны на сайце Каардынацыйнай рады.
Праграма прызначаныя для тых беларусаў, якія знаходзяцца па-за межамі РБ. Карыстальнікі ўнутры Беларусі будуць галасаваць не праз праграмы са смартфона, а праз вэб-версію, якая з'явіцца крыху пазней. Гэта зроблена дзеля бяспекі.
Галасаванне ў КР пройдзе 25-27 траўня.
