З’явіліся фотаздымкі з месца, дзе падчас капання калодзежу засыпала мужчыну

З’явіліся фотаздымкі з месца, дзе падчас капання калодзежу засыпала мужчыну. Ён апынуўся на глыбіні чатырох метраў і загінуў. Як інфармавала Еўрарадыё, трагічнае здарэнне адбылося ўдзень 8 лістапада ў вёсцы Вусава Гродзенскага раёна на падворку прыватнага дома. 32-гадовы мужчына капаў калодзеж пітной вады без выкарыстання бетонных кольцаў, калі адбыўся абвал грунту.

Цела загінулага даставалі ратавальнікі, якія выкарыстоўвалі экскаватар. На месцы працавалі следчыя, якія высвятлялі ўсе абставіны трагедыі, інфармуе прэс-служба МНС Гродзенскай вобласці.