BYCAMP Minsk 2008: першы блін не камяком!
У Мінску адбыўся доўгачаканы, поўнамасштабны, самы сапраўдны Байкэмп. Тусоўкі з блогераў, праграмістаў ды крэатыўшчыкаў ужо даўно ездзяць па
гасцінных чужынах, а цяпер удалося арганізаваць нешта і дома.
Байкэмп прайшоў на тры “ўра”, пра гэта кажуць госці, арганізатары і рэзананс у беларускім інтэрнэце.
Аляксандр Градзюшка, куратар спецыяльнасці вэб-журналістыка інстытута журналістыкі БДУ дапамог шмат чым: у першую чаргу, ён прытуліў самаарганізаваны хаос байкэмпа ў сценах журфака.
Аляксандр Градзюшка: "Мы лічым, што будучыня – за вэб-журналістыкай, і мы рады дапамагчы гэтым маладым крэатыўным людзям, бо за імі – будучыня, да іх меркавання прыслухоўваюцца спецыялісты, і мы рады, што гэта мерапрыемства праходзіць у сценах інстытута журналістыкі".
У афіцыйных спісах нарэшце апынуліся 202 чалавекі, прычым шмат людзей падыходзіла, не зарэгістраваўшыся напярэдадні, і іх наўпрост дапісвалі ў афіцыйныя спісы, не адмаўляючы нікому.
У гэтай месцамі занадта нефармальнай абстаноўцы ўдалося злавіць пару арганізатараў, якія распавялі цікавосткі пра падрыхтоўку:
Ігар, праграміст, блогер: “У нашай кватэры гэтай ноччу было чалавек 20: як заўсёды, у самы апошні момант павылазілі такія важныя дробязі, якія трэба было тэрмінова вырашаць. Плюс у нас раптам знік інтэрнэт і мы канэкціліся з мабільнікаў. А яшчэ МТС прывезлі нам цэлую кватэру тэхнікі і банэраў, так што кватэра выглядала захламленай. Баркэмп – гэта нейкі суцэльны форс-мажор!”
Ната, журналіст, блогер: “Мы безумоўна возьмемся яшчэ раз за арганізацыю байкэмпа! Гэта класна, столькі людзей атрымліваюць кайф ад камунікацыі, знаёмстваў і атмасферы, я проста ў шоку, я не чакала!”
Юля, журналіст, блогер: “Мы гэтай ноччу парэзалі 200 м шнурочкаў на бэджы, але потым вырашылі ўсё ж паспаць перад адказным днём… Сёння я прыйшла сюды дзесьці а сёмай, самая першая!”.
Вядомы блогер, арганізатар украінскіх баркэмпаў Олександр Дземчанка кажа, што з Украіны прыехалі 5 чалавек, некалькі чалавек - з Расіі, у тым ліку арганізатар падмаскоўнага сёлетняга “ICamp”. Дапамагала каля 30 першакурснікаў новай спецыяльнасці “онлайн-журналістыка” журфака БДУ, яны былі ўзрушаныя, зусім не стомленыя нават напрыканцы дня і ахвотна дзяліліся ўражаньнямі.
Значным недахопам была адсутнасць вай-фая ў памяшканнях, але гэта віна не арганізатараў, а той кампаніі, якая недастаткова сур’ёзна ўспрымала гэта мерапрыемства і не паведаміла аб тым, што могуць узнікнуць такія тэхнічныя праблемы, звязаныя з тэлефоннай лініяй самаго журфака. У выніку тэрмінова знайшлі выйсце: у апошні момант для ўдзельнікаў усё ж атрымалі безлімітны інтэрнэт праз МТС-канэкт.
У першы дзень адбылося 36 прэзентацый: “Даследванне інтэрнэт-аўдыторыі Беларусі”, “Бяспека ў інтэрнэце”, “Грамадзянская журналістыка”, адбылася дыскусія пра шматмоўе ў блогах, круглы стол “Маладыя праэкты”, а таксама адзін са спонсараў, прадстаўнік Opera ў Расеі Ільля Шпанькоў рабіў вялікую прэзентацыю пра прадукты і праэкты Opera.
Наступны дзень быў цалкам складзены з так званых мінібараў, калі ў розных барах і кавярнях горада удзельнікі збіраюцца на тэматычныя размовы, а таксама была экскурсія для іншаземцаў.
Увечары каля паловы ўсіх удзельнікаў бавілі час у клубе “Графіці”, дзе спецыяльна для байкэмпераў выступіў выдатны беларускі гурт ”Band A”, было шалёна весела і арганізатары ніяк не маглі паверыць, што нарэшце на тэрыторыі Беларусі адбылося сапраўднае самаарганізаванае некамерцыйнае мерапрыемства без перашкодаў з боку ўладаў і на поўным энтузіязме. Арганізатары поўныя аптымізму і смелых планаў на наступны год.
Байкэмп прайшоў на тры “ўра”, пра гэта кажуць госці, арганізатары і рэзананс у беларускім інтэрнэце.
Аляксандр Градзюшка, куратар спецыяльнасці вэб-журналістыка інстытута журналістыкі БДУ дапамог шмат чым: у першую чаргу, ён прытуліў самаарганізаваны хаос байкэмпа ў сценах журфака.
Аляксандр Градзюшка: "Мы лічым, што будучыня – за вэб-журналістыкай, і мы рады дапамагчы гэтым маладым крэатыўным людзям, бо за імі – будучыня, да іх меркавання прыслухоўваюцца спецыялісты, і мы рады, што гэта мерапрыемства праходзіць у сценах інстытута журналістыкі".
У афіцыйных спісах нарэшце апынуліся 202 чалавекі, прычым шмат людзей падыходзіла, не зарэгістраваўшыся напярэдадні, і іх наўпрост дапісвалі ў афіцыйныя спісы, не адмаўляючы нікому.
У гэтай месцамі занадта нефармальнай абстаноўцы ўдалося злавіць пару арганізатараў, якія распавялі цікавосткі пра падрыхтоўку:
Ігар, праграміст, блогер: “У нашай кватэры гэтай ноччу было чалавек 20: як заўсёды, у самы апошні момант павылазілі такія важныя дробязі, якія трэба было тэрмінова вырашаць. Плюс у нас раптам знік інтэрнэт і мы канэкціліся з мабільнікаў. А яшчэ МТС прывезлі нам цэлую кватэру тэхнікі і банэраў, так што кватэра выглядала захламленай. Баркэмп – гэта нейкі суцэльны форс-мажор!”
Ната, журналіст, блогер: “Мы безумоўна возьмемся яшчэ раз за арганізацыю байкэмпа! Гэта класна, столькі людзей атрымліваюць кайф ад камунікацыі, знаёмстваў і атмасферы, я проста ў шоку, я не чакала!”
Юля, журналіст, блогер: “Мы гэтай ноччу парэзалі 200 м шнурочкаў на бэджы, але потым вырашылі ўсё ж паспаць перад адказным днём… Сёння я прыйшла сюды дзесьці а сёмай, самая першая!”.
Вядомы блогер, арганізатар украінскіх баркэмпаў Олександр Дземчанка кажа, што з Украіны прыехалі 5 чалавек, некалькі чалавек - з Расіі, у тым ліку арганізатар падмаскоўнага сёлетняга “ICamp”. Дапамагала каля 30 першакурснікаў новай спецыяльнасці “онлайн-журналістыка” журфака БДУ, яны былі ўзрушаныя, зусім не стомленыя нават напрыканцы дня і ахвотна дзяліліся ўражаньнямі.
Значным недахопам была адсутнасць вай-фая ў памяшканнях, але гэта віна не арганізатараў, а той кампаніі, якая недастаткова сур’ёзна ўспрымала гэта мерапрыемства і не паведаміла аб тым, што могуць узнікнуць такія тэхнічныя праблемы, звязаныя з тэлефоннай лініяй самаго журфака. У выніку тэрмінова знайшлі выйсце: у апошні момант для ўдзельнікаў усё ж атрымалі безлімітны інтэрнэт праз МТС-канэкт.
У першы дзень адбылося 36 прэзентацый: “Даследванне інтэрнэт-аўдыторыі Беларусі”, “Бяспека ў інтэрнэце”, “Грамадзянская журналістыка”, адбылася дыскусія пра шматмоўе ў блогах, круглы стол “Маладыя праэкты”, а таксама адзін са спонсараў, прадстаўнік Opera ў Расеі Ільля Шпанькоў рабіў вялікую прэзентацыю пра прадукты і праэкты Opera.
Наступны дзень быў цалкам складзены з так званых мінібараў, калі ў розных барах і кавярнях горада удзельнікі збіраюцца на тэматычныя размовы, а таксама была экскурсія для іншаземцаў.
Увечары каля паловы ўсіх удзельнікаў бавілі час у клубе “Графіці”, дзе спецыяльна для байкэмпераў выступіў выдатны беларускі гурт ”Band A”, было шалёна весела і арганізатары ніяк не маглі паверыць, што нарэшце на тэрыторыі Беларусі адбылося сапраўднае самаарганізаванае некамерцыйнае мерапрыемства без перашкодаў з боку ўладаў і на поўным энтузіязме. Арганізатары поўныя аптымізму і смелых планаў на наступны год.
