Бюджэтны крызіс каштаваў ЗША 24 мільярды долараў
Крызіс і пагроза дэфолту знізілі тэмпы эканамічнага росту на 0,6%.
Пра гэта 17 кастрычніка са спасылкай на рэйтынгавае агенцтва Standard & Poor's паведамляе "РИА "Новости".
S&P адзначае, што часовае рашэнне не пазбавіць ЗША тых жа пагрозаў у кароткатэрміновай перспектыве, а спажывецкая актыўнасць у перыяд святаў можа апынуцца ніжэй за чаканую. "Калі людзі баяцца, што палітычнае супрацьстаянне адновіцца, што ёсць рызыка чарговага спынення фінансавання дзяржустаноў, яны пабаяцца і раскрываць свае чэкавыя кніжкі", — лічыць агенцтва.
Нагадаем, многія федэральныя ўстановы Злучаных штатаў з 1 кастрычніка часткова зачыніліся з-за адсутнасці бюджэту на новы фінансавы год. У выніку каля 800 тысяч федэральных дзяржслужачых адправіліся ў адпачынак за свой кошт.
Дзяржслужачыя змогуць прыступіць да выканання сваіх абавязкаў раніцай 17 кастрычніка.
