“Джамбібум”, “Палац” і Drum Ecstasy працягваюць акультурваць Кракаў
Тыдзень беларускай культуры, які зараз праходзіць у
Кракаве, наблізіўся да кульмінацыйнай часткі – шэрагу канцэртаў беларускіх
гутроў у самым цэнтры горада.
Гурты, якія прэзентуюць нашу краіну 28 і 29 сакавіка – гэта “Джамбібум”, “Палац”, Drum Ecstasy, Яр, WZ Orchestra і Крама. Адзін з арганізатараў Тыдня беларускай культуры, Зміцер Чарткоў, у першую чаргу зазначыў, наколькі важна, што такая падзея адбываецца менавіта ў Кракаве, а не, да прыкладу, у Варшаве:
“Кракаў – гэта культурная сталіца Польшчы, гэта ўжо само за сябе кажа. Гэта турыстычны горад, у які прыязжаюць людзі з усяго свету. Яны проста даведаюцца аб тым, што такое Беларусь, і панясуць гэта далей. Таму Кракаў”.
Нагадаю, што першыя два дні адзначыліся адкрыццём мастацкай выставы “Ars Longa”, перфомансу “Unreal Student Life” і канцэртамі гуртоў “ULIS” і “Нейра Дзюбель”.
Беларусам, якія вучацца ў Кракаве, выступленні натуральна спадабаліся, а вось як рэагавалі на беларусаў палякі?
Зміцер Чарткоў: Для некаторых гэта вельмі нечакана было. Яны ўбачылі Беларусь з іншага боку, як там развіваецца ўсё. Усе кажуць пра палітыку ў Беларусі, пра дыктатуру, а мы кажам пра культуру.
Еўрарадыё: А каго-небудзь з імён яны запомнілі ўжо?
Зміцер Чарткоў: Не ведаю як з імёнаў, але вельмі доўга будуць памятаць выставу галерыі “Ars Longa”. Гэта было ў галерэі Інстытута Мастацтваў, тут, у Кракаве, прыйшло шмат прафесараў, крытыкаў, студэнтаў. Былі прадстаўленыя 24 мастакі з Беларусі, якія зараз працуюць у кірунку сучаснага мастацтва. Іх працы, насамрэч, на міравым узроўні.
Еўрарадыё: Як наконт беларускай музыкі?
Зміцер Чарткоў: У нас пытаюцца ўвесь час пра Змітра Вайцюшкевіча, і вось ён зноў прыязжае ў Кракаў. Сёння прыйдзуць на Drum Ecstasy і “Палац”.
Дарэчы, пра Drum Ecstasy. Гурт прыехаў у Кракаў не ў поўным
складзе. Як аказалася, яны згубілі аднаго з трох сваіх бубначоў – Сцяпана
Бітусу. Сцяпан наўпрост застаўся ў Гоа і пасля збіраецца вярнуцца ў Маскву.
Музыкам такі варыянт не падыходзіць, таму зараз яны у пошуках новага бубнача. А
пакуль выступаюць у аварыйным рэжыме
і ад канцэрта ў Кракаве чакаюць....
Філіп Чмыр: Нічога.
Гарох: Спадзяюсь, сюрпрызаў не будзе, таму што ўтрох граць вельмі складана, тры бубнача — гэта добра, але калі два — гэта ўжо cкладана.
Філіп Чмыр: Гароху ўвогуле прыйдзецца граць за дваіх! Ён усе “салякі” забірае на сябе, Рыжы у нас будзе выступаць як асноўная маса, з такімі танюткімі бубнамі. То бок мы не ведаем як усё атрымаецца.
Але не падумайце, удзельнікі гурта не выглядалі разгубленымі, хутчэй наадварот, былі ўпэўненымі ў сваім прафесіяналізме.
Філіп Чмыр: Мы заўсёды выступаем перад публікай іншых краін, і для нас нічога новага ў гэтым няма. Мы ведаем, што людзі ўсе з нармальнай рэакцыяй. Ды ўсё ў парадку! Людзі нармалёва на нас рэагуюць!
Вось мы і паглядзім, як будуць рэагаваць палякі на Drum Ecstasy, а таксама на гурты “Палац”, “Джамбібум”, WZ Orchestra, “Крама”, “Яр” – якія зайгаюць на малым рынку ў Кракаве.
Чакайце на новыя рэпартажы і слухайце жывыя ўключэнні з канцэртаў штовечар у эфіры Еўрарадыё.
Гурты, якія прэзентуюць нашу краіну 28 і 29 сакавіка – гэта “Джамбібум”, “Палац”, Drum Ecstasy, Яр, WZ Orchestra і Крама. Адзін з арганізатараў Тыдня беларускай культуры, Зміцер Чарткоў, у першую чаргу зазначыў, наколькі важна, што такая падзея адбываецца менавіта ў Кракаве, а не, да прыкладу, у Варшаве:
“Кракаў – гэта культурная сталіца Польшчы, гэта ўжо само за сябе кажа. Гэта турыстычны горад, у які прыязжаюць людзі з усяго свету. Яны проста даведаюцца аб тым, што такое Беларусь, і панясуць гэта далей. Таму Кракаў”.
Нагадаю, што першыя два дні адзначыліся адкрыццём мастацкай выставы “Ars Longa”, перфомансу “Unreal Student Life” і канцэртамі гуртоў “ULIS” і “Нейра Дзюбель”.
Беларусам, якія вучацца ў Кракаве, выступленні натуральна спадабаліся, а вось як рэагавалі на беларусаў палякі?
Зміцер Чарткоў: Для некаторых гэта вельмі нечакана было. Яны ўбачылі Беларусь з іншага боку, як там развіваецца ўсё. Усе кажуць пра палітыку ў Беларусі, пра дыктатуру, а мы кажам пра культуру.
Еўрарадыё: А каго-небудзь з імён яны запомнілі ўжо?
Зміцер Чарткоў: Не ведаю як з імёнаў, але вельмі доўга будуць памятаць выставу галерыі “Ars Longa”. Гэта было ў галерэі Інстытута Мастацтваў, тут, у Кракаве, прыйшло шмат прафесараў, крытыкаў, студэнтаў. Былі прадстаўленыя 24 мастакі з Беларусі, якія зараз працуюць у кірунку сучаснага мастацтва. Іх працы, насамрэч, на міравым узроўні.
Еўрарадыё: Як наконт беларускай музыкі?
Зміцер Чарткоў: У нас пытаюцца ўвесь час пра Змітра Вайцюшкевіча, і вось ён зноў прыязжае ў Кракаў. Сёння прыйдзуць на Drum Ecstasy і “Палац”.
Дарэчы, пра Drum Ecstasy. Гурт прыехаў у Кракаў не ў поўным
складзе. Як аказалася, яны згубілі аднаго з трох сваіх бубначоў – Сцяпана
Бітусу. Сцяпан наўпрост застаўся ў Гоа і пасля збіраецца вярнуцца ў Маскву.
Музыкам такі варыянт не падыходзіць, таму зараз яны у пошуках новага бубнача. А
пакуль выступаюць у аварыйным рэжыме
і ад канцэрта ў Кракаве чакаюць....Філіп Чмыр: Нічога.
Гарох: Спадзяюсь, сюрпрызаў не будзе, таму што ўтрох граць вельмі складана, тры бубнача — гэта добра, але калі два — гэта ўжо cкладана.
Філіп Чмыр: Гароху ўвогуле прыйдзецца граць за дваіх! Ён усе “салякі” забірае на сябе, Рыжы у нас будзе выступаць як асноўная маса, з такімі танюткімі бубнамі. То бок мы не ведаем як усё атрымаецца.
Але не падумайце, удзельнікі гурта не выглядалі разгубленымі, хутчэй наадварот, былі ўпэўненымі ў сваім прафесіяналізме.
Філіп Чмыр: Мы заўсёды выступаем перад публікай іншых краін, і для нас нічога новага ў гэтым няма. Мы ведаем, што людзі ўсе з нармальнай рэакцыяй. Ды ўсё ў парадку! Людзі нармалёва на нас рэагуюць!
Вось мы і паглядзім, як будуць рэагаваць палякі на Drum Ecstasy, а таксама на гурты “Палац”, “Джамбібум”, WZ Orchestra, “Крама”, “Яр” – якія зайгаюць на малым рынку ў Кракаве.
Чакайце на новыя рэпартажы і слухайце жывыя ўключэнні з канцэртаў штовечар у эфіры Еўрарадыё.
