Экспарт беларускіх угнаенняў праз Літву можа быць цалкам спынены
![Экспарт беларускіх угнаенняў праз Літву можа быць цалкам спынены](/sites/default/files/styles/gallery_main/public/2023-08/gabrielius-landsbergis-87725095.jpg.webp?itok=ongEy9Ks)
Экспарт беларускіх угнаенняў праз Літву можа быць цалкам спынены. Пра гэта заявіў міністр замежных спраў гэтай краіны Габрыэлюс Ландсбергіс. "Магчымае поўнае спыненне, — цытуе яго словы Delfi. — Я б сказаў, што так, гэта рэальна. Рэальныя перамовы яшчэ не пачаліся, таму яшчэ рана пра гэта казаць".
Са слоў Ландсбергіса вынікае, што спыненне паставак беларускіх угнаенняў па чыгунцы ў порт у Клайпеду будзе не рашэннем уладаў яго краіны з-за "гібрыднай агрэсіі" з дапамогай мігрантаў, у якой Вільня абвінавачвае Мінск. А рашэннем уладаў Еўрасаюза. Літоўскі міністр кажа, што Літва ўжо фармальна прадаставіла Бруселю прапановы па пашырэнні сектаральных санкцый ЕС. У іх згадваецца і прадукцыя "Беларуськалія". Пакуль жа пад сектаральныя санкцыі патрапляе толькі незначная яе частка.
Заява Габрыэлюса Ландсбергіса выглядае як папярэджанне афіцыйнаму Мінску.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.