ЕС адключыў ад SWIFT "Белінвестбанк"
З'явіліся падрабязнасці шостага пакета санкцый, якія Еўрасаюз прыняў супраць Расіі і Беларусі.
Як паведамляе Савет Еўропы, ад сістэмы SWIFT адключаныя яшчэ тры расійскія банкі — "Сбербанк" (ён самы буйны ў Расіі), Маскоўскі крэдытны банк і Рассельгасбанк.
Таксама ЕС паведамляе, што ад міжнароднай банкаўскай сістэмы адключаць і Беларускі Банк развіцця і рэканструкцыі. Яго іншая назва — "Белінвестбанк".
У сакавіку 2022-га рашэннем ЕС быў адключаны ад SWIFT сугучны з ім па назве Банк развіцця. Тады пад санкцыі трапіў і банк "Дабрабыт".
