Эстонія адклікае больш за тысячу дазволаў на нашэнне зброі ў беларусаў і расіян
Да ўнясення зменаў у заканадаўства ў беларусаў і расіян на руках было больш за 3 тыс. адзінак зброі / pixabay
Эстонія прыняла рашэнне адклікаць каля 1,3 тыс. дазволаў на нашэнне зброі, якія былі выдадзены грамадзянам Беларусі і Расіі, што жывуць у Эстоніі, піша выданне ERR.
Да ўнясення зменаў у заканадаўства на руках у беларусаў і расіянаў было больш за 3 тыс. адзінак зброі. Па новым законе, валодаць зброяй у Эстоніі цяпер змогуць толькі грамадзяне краін, што ўваходзяць у ЕС ці НАТО.
Беларусы ў Эстоніі павінны пазбавіцца зброі да 15 сакавіка. Ім раяць пачаць працэс ужо цяпер.
