Еўрасаюз узгадніў пяты пакет санкцый супраць Беларусі
Жазэп Барэль / europarl.europa.eu
Пяты пакет санкцый супраць Беларусі ўзгоднены і будзе ўведзены ў дзеянне ў найбліжэйшыя дні, паведамляе "Наша Ніва" са спасылкай на кіраўніка дыпламатыі Еўрасаюза Жазэпа Барэля.
Па словах Барэля, Рада ЕС пашырыла крытэрыі для ўвядзення санкцый, і новы пакет будзе фармалізаван ў найбліжэйшы час. Ён закране як прыватных асоб, так і кампаніі.
Як паведамляла Еўрарадыё, у якасці адказу на "гібрыдныя атакі і інструменталізацыю мігрантаў" кіраўнікі МЗС краін ЕС дададуць у санкцыйны спіс асоб, якія маюць дачыненне да арганізацыі міграцыйнага крызісу. У блэкліст патрапяць юрыдычныя і фізічныя асобы, якія "садзейнічаюць арганізаваным і падтрыманым рэжымам Лукашэнкі нелегальным перасячэнням мяжы ЕС".
