Хлопец з Ашмянаў паліваў "чарнілам" статуі каля касцёла ў Астраўцы
Сведкамі незвычайнай карціны сталі жыхары Астраўца. Зранку ў будны дзень 22-гадовы жыхар суседніх Ашмянаў узяў скрынку таннага віна і пачаў паліваць ім статуі Божай Маці і анёлаў. Потым малады чалавек разламаў дзве лаўкі, паведамляе прэс-служба УУС Гродзенскага аблвыканкама.
Адзін з мінакоў паведаміў у міліцыю пра неадэкватныя паводзіны хлопца. Праваахоўнікі затрымалі яго каля касцёла. Шкода, прычыненую дзеяннямі маладога чалавека, склала 580 рублёў.
Міліцыя высвятляе прычыны яго дзеянняў. Маладому чалавеку пагражае крымінальная справа за хуліганства.
Каля касцёла ў Астраўцы / sudexpert.gov.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
