Ірыну Дрыгу знялі з пасады, але далі новую. Цяпер яна адказвае за кіно
Ірына Дрыга
Ірыну Дрыгу знялі з пасады ў Мінкультуры… І далі іншую. Цяпер замест дзяржаўных канцэртаў чыноўніца будзе адказваць за кінематограф.
“Яна трымала ў страху ўвесь Мінкульт, усе яе баяліся, бо не дапускала “нядобранадзейных” артыстаў да працы. Тым не менш, некаторыя арганізацыі выпускалі незаменныя кадры, што справакавала шэраг скандалаў асабіста з Дрыгай”, — кажуць крыніцы “Нашай Нівы”.
Дрыга працуе ў Мінкультуры ўжо шмат часу, некалі была нават намесніцай міністра. Яна найбольш вядомая складаннем “чорных спісаў” музыкантаў і скарачэннем ахоўных межаў Курапатаў.
