Кіраўнік МУС заклікаў сілавікоў не расслабляцца перад выбарамі 2025 года
Іван Кубракоў
Сілавікі павінны "старанна падрыхтавацца да нясення службы" падчас прэзідэнцкіх выбараў 2025 года, у тым ліку правесці "сур'ёзны аналіз і вучэнні". Пра гэта міністр унутраных спраў Іван Кубракоў заявіў 30 ліпеня на пасяджэнні калегіі УУС Брэсцкага аблвыканкама.
"Расслабляцца нельга! Трэба быць гатовымі да любога развіцця падзей!" — прыводзіць яго словы прэс-служба МУС.
Кубракоў пахваліў дэадагічную работу ў брэсцкай міліцыі, алек насварыўся за нізкую раскрывальнасць крымінальных злачынстваў. Начальнік абласнога УУС Алег Шулякоўскі заявіў, што Брэстчына — самы бяспечны рэгіён у краіне: там узровень злачыннасці, маўляў, знізіўся і складае 32 злачынствы на дзесяць тысяч насельніцтва.
Кубракоў назваў праблемай Брэстчыны крадзяжы з жылля і рост перадазіровак наркотыкамі. Ён запатрабаваў узмацніць аператыўную работу па барацьбе з наркагандлем, а таксама запатрабаваў больш актыўна штрафаваць за грубыя парушэнні ПДР.
