Крым цалкам перавялі на расійскія рублі
Ад 1 чэрвеня ў крымскіх крамах павінны знікнуць падвойныя цэннікі, усе наяўныя і безнаяўныя разлікі павінны праводзіцца ў рублях.
Украінская грыўна атрымлівае статус “замежнай” валюты.
Змены адбыліся згодна з законам аб скарачэнні тэрміну хаджэнні грыўні ў Крыме, падпісаным прэзідэнтам Расіі Уладзімірам Пуціным 27 траўня.
Гэтым указам расіяне радыкальна паскорылі працэс адрыву паўвыспы ад украінскай фінансавай сістэмы: раней планавалася выкарыстанне грыўні “нароўні з рублём” да 1 студзеня 2016 года.
Учора паведамлялася, што ў Сімферопалі з-за гэтага узніклі вялізныя чэргі: людзі спяшаліся атаварыць грыўні, бо многія атрымалі заробак і сацвыплаты ва ўкраінскай валюце, інфармуе УНІАН.
