Лукашэнка дазволіў страляць па дронах не толькі вайскоўцам і міліцыянтам

Ужываць зброю супраць беспілотнікаў цяпер могуць не толькі вайскоўцы. Адпаведны ўказ у новай рэдакцыі падпісаў 7 кастрычніка Аляксандр Лукашэнка.

Права на выкарыстанне зброі і спецсродкаў супраць беспілотнікаў нароўні з вайскоўцамі і міліцыянтамі атрымалі супрацоўнікі "іншых ваенізаваных арганізацый".

Пад гэтымі арганізацыямі маюцца на ўвазе:
— органы пракуратуры, 
— Следчы камітэт, 
— Дзяржаўны камітэт судовых экспертыз, 
— органы фінансавых расследаванняў Камітэта дзяржаўнага кантролю, 
— Дзяржінспекцыя аховы жывёльнага і расліннага свету,
— органы і падраздзяленні па надзвычайных сітуацыях, 
— мытныя органы.