Лукашэнка папрасіў Пуціна вярнуць з Расіі слуцкія паясы

Пра гэта ў чацвер заявіў Аляксандр Лукашэнка на сустрэчы са студэнтамі Магілёўскага дзяржаўнага ўніверсітэта імя Куляшова.

Ёе падкрэсліў, што зусім нядаўна гаварыў з прэзідэнтам Расіі Уладзімірам Пуціным пра вяртанне нацыянальных гістарычных каштоўнасцяў, такіх, напрыклад, як слуцкія паясы. Нагадаем, іх вывозілі з Беларусі ў даваенны час і падчас вайны.

"Перамовы ідуць цяжка, — цытуе словы Аляксандра Лукашэнкі БЕЛТА. — Думаю, пытанні мы вырашым, і будзе прыклад вяртання гэтых каштоўнасцяў".

Лукашэнка нагадаў, што ў Беларусі завяршаецца стварэнне лініі па вытворчасці слуцкіх паясоў. "Гэта будуць сапраўдныя слуцкія паясы, зробленыя па тэхналогіі таго часу", — сказаў кіраўнік дзяржавы.
 

Трусаў: Лукашэнка своечасова папрасіў Пуціна вярнуць слуцкія паясы, ён можа аддаць

Чаму нашыя слуцкія паясы зачыненыя ў музейных сейфах? (Фота)
 

Лукашэнка хоча, каб у кожным доме быў слуцкі пояс