Мінская міліцыя паведамляе пра затрыманне ўдзельніц "жаночага маршу"
Мінская міліцыя паведамляе пра затрыманне актыўных удзельніц "жаночага маршу". Вулічная акцыя прайшла 6 красавіка на праспекце Пераможцаў. У дзяўчат былі бел-чырвона-белыя парасоны. Іх прагулкі па сталіцы ўжо сталі традыцыйнымі і працягваюцца некалькі месяцаў.
Міліцыя адзначае, што частка затрыманых — члены шматдзетнай сям'і, якая жыве ў прыватным доме пад Мінскам. Там знайшлі "атрыбутыку, якая асацыюецца з пратэстнай".
Колькасць затрыманых не паведамляецца.
Міліцыянеры знайшлі некалькі БЧБ-парасонаў / @police_minsk
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
