Моцныя дажджы і навальніцы працягнуцца ў Беларусі і ў чацвер
Сіноптыкі папярэджваюць пра неспрыяльныя метэаралагічныя з'явы і аб'яўляюць аранжавы ўзровень небяспекі.
У чацвер, 29 траўня, амаль па ўсёй Беларусі прагназуюцца дажджы, у цэнтральным рэгіёне і на ўсходзе — дажджы моцныя, навальніцы, у асобных раёнах магчымы град. Вецер будзе паўночна-заходні, 4-9 метраў за секунду, пры навальніцах — да 15-20 метраў за секунду.
Тэмпература паветра ў начныя гадзіны складзе ад 6 градусаў вышэй за нуль на захадзе Беларусі да 17 цяпла на ўсходзе, у дзённыя гадзіны — 12-18 градусаў, на ўсходзе нашай краіны — 19-22 цяпла, паведамляе БЕЛТА.
Фота: bymedia.net
