МЗС Беларусі: ЕС не мае доказаў гібрыднай агрэсіі з выкарыстаннем мігрантаў
У МЗС Беларусі адрэагавалі на абвінавачванні ў гібрыднай агрэсіі супраць Літвы з выкарыстаннем мігрантаў, якія гучаць з боку Еўрасаюза. Прэс-сакратар беларускага знешнепалітычнага ведамства Анатоль Глаз заявіў, што ЕС не мае доказаў: "Толькі шаблонныя бяздоказныя абвінавачванні і пагрозы". "Многія дзяржавы Еўропы..., таксама фіксуюць у сябе рост колькасці нелегалаў, — кажа Глаз. — Але стогне і патрабуе салідарнасці толькі Літва". Прэс-сакратар МЗС Беларусі наракае, што "не чуваць ніводнага голасу ў ЕС на карысць дыялогу, накіраванага на сумеснае вырашэнне ўзніклай праблемы".
