На Гомельшчыне праз палітыку закрылі найбуйнейшы клуб дзюдо "Прайд"
Канстанцін Палей / vk.com
На Гомельшчыне праз палітыку закрылі найбуйнейшы клуб дзюдо "Прайд". У 50 групах у Гомелі і Жлобіне займалася больш за тысячу дзяцей (у тым ліку з асаблівасцямі развіцця). Клуб заснаваў майстар спорту па дзюдо Канстанцін Палей. У лютым Гомельскі гарвыканкам адмовіў "Прайду" ў дзяржаўнай акрэдытацыі, піша @flagshtok.
Афіцыйна прычынай адмовы чыноўнікі назвалі невыкананне нейкіх крытэрыяў. Насамрэч верагодная прычына ў пратэснай актыўнасці Палея. У 2020-м ён быў пад адміністрацыйным арыштам, падпісаў зварот спартсменаў супраць гвалту сілавікоў. Хутчэй за ўсё, гэта і не дазволіла прайсці акрэдытацыю, якую ў Беларусі зрабілі абавязковай для ўсіх спартыўных клубаў.
Цяпер з дзецьмі будзе займацца паплечнік Канстанціна Палея Яўген Сёмачкін — з'явіўся клуб "Леон". У ім будуць працаваць трэнеры з "Прайда".
