На канцэрт “Крамбамбулі” ў Мінску за гадзіну прадалі 500 квіткоў з 800
На канцэрт “Крамбамбулі” ў Мінску за першую гадзіну прадалі 500 квіткоў з 800. Першы з 2008-га сольны канцэрт гурта адбудзецца ў рэстарацыі-піваварні “Друзья” 31 траўня. Праграма “Крамбамбулі” мае назву “Піраты Камсамольскага возера”, у яе ўвайшлі лепшыя песні з усіх альбомаў.
У склад гурта цяпер уваходзяць Лявон Вольскі, Павел Трыпуць, Павел Аракелян, Андрэй Якубчык, Алесь-Францішак Мышкевіч, Павел Мамонаў.
