Намеснік старшыні Мастоўскага райвыканкама стрэліў сабе ў галаву
Міхаіл Жук / mosty-zara.by
Намеснік старшыні Мастоўскага райвыканкама стрэліў сабе ў галаву. Пра смерць 51-гадовага Міхаіла Жука стала вядома на мінулым тыдні з неафіцыйных крыніц. Цяпер жа яе пацвярджае BELPOL.
Труп Жука знайшлі 12 ліпеня ў хмызняку ў межах Мастоў. У яго было агнястрэльнае пранікальнае скразное раненне галавы. Побач ляжала паляўнічая стрэльба. Асноўная версія — суіцыд. Яго прычыны невядомыя.
Хавалі чыноўніка ў закрытай труне. У Міхаіла Жука засталася жонка і двое дзяцей.
Нядаўна скончыў жыццё самагубствам міністр транспарту і камунікацый Беларусі Аляксей Аўраменка.
