Навукоўцы раскрылі загадку паходжання жыцця на Зямлі

Амерыканскія навукоўцы высветлілі, як менавіта ўзнікаюць у космасе арганічныя рэчывы, з якіх затым утварыліся бялкі і нуклеінавыя кіслоты, неабходныя для існавання жыцця. Высветлілася, што поліараматычныя вуглевадароды ўтвараюцца пры аб'яднанні простых малекул.

Даследаванне навукоўцаў з Нацыянальнай лабараторыі імя Лоўрэнса ў Берклі апублікаванае ў часопісе Nature Communications.

Спецыялісты змадэлявалі хімічную рэакцыю ў калязорнай прасторы паміж двума вуглевадароднымі радыкаламі — метылам (CH3•) і 1-індэнілам (C9H7•) — пры тэмпературы 1150 градусаў Цэльсія. Аказалася, што пры гэтым узаемадзеянні ўтворыцца нафталін С10Н8 з двума бензольнымі кольцамі, перадае Lenta.ru.

Падчас радыкал-радыкальнай рэакцыі ўтварэння нафталіну пяцічленныя кольцы ў складзе 1-індэнілу пераўтворацца ў шасцічленнае вугляроднае кальцо з высокай рэакцыйнай здольнасцю. Далей з такіх злучэнняў пры высокіх тэмпературах атрымліваюцца больш складаныя ПАВ, а з іх узнікаюць сажа і вугляродзістыя гранулы, якія сустракаюцца ў метэарытах.

Адкрыты амерыканскімі навукоўцамі механізм тлумачыць, чаму каля 20% вугляроду ў космасе сустракаецца ў выглядзе поліраматычных вуглевадародаў. Ранейшыя тэорыі не маглі растлумачыць, чаму міжзорнае асяроддзе багатае на ПАВ.