#Памятникпрости! Беларусы выбачаюцца перад помнікамі пасля відэа МУС (фота)
16-гадовы Арсеній, які папрасіў прабачэння ў помніка гарадавому.
Пасля таго як у Міністэрстве ўнутраных спраў з гонарам паведамілі, што падлетак папрасіў прабачэння ў помніка мінскаму гарадавому, беларусы зладзілі ў "Фэйсбуку" флэшмоб салідарнасці. Відэа, змантаванае і апублікаванае мінскай міліцыяй, выклікала буру эмоцый. Карыстальнікі сацыяльнай сеткі жартуюць, публікуюць свае фатаграфіі з помнікамі і скульптурамі, просяць прабачэння нават у тых помнікаў, якія "пакрыўдзілі" ў мінулым.
Цікава, а што цяпер будзе, калі хтосьці захоча пагладзіць каленку "Незнаёмцы" ў Міхайлаўскім скверы, пацерці нос Леніну на аднайменнай станцыі метро ці асядлаць кабылку на плошчы каля Ратушы?..
