Паўла Белавуса не выпусцілі праз трое сутак пасля затрымання

18/11/2021 - 15:09

Кіраўніка Symbal.by Паўла Белавуса "перазатрымалі" — не выпусцілі праз трое сутак пасля затрымання.

Тэрмін затрымання скончыўся сёння ў 14:00, але Белавуса зноў павезлі ў РУУС, піша ТГ-канал Symbal.by.

Хутчэй за ўсё, другое судовае паседжанне над Белавусам адбудзецца 19 лістапада. На першым судзе 17 лістапада справу Белавуса адправілі на дапрацоўку.

Як распавядала Еўрарадыё, Белавуса вінавацяць у распаўсюдзе інфармацыі, якая прапагандуе экстрэмісцкую дзейнасць. Нагодай стала тое, што ён перасылаў праз "Белпошту" кнігу Змітра Лукашука І Максіма Гарунова "Беларуская нацыянальная ідэя": у Беларусі яна прызнаная экстрэмісцкай.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.