Польскія памежнікі распавялі пра чарговыя спробы прарыву з Беларусі
На польска-беларускай мяжы / x.com/Straz_Graniczna
Польскія памежнікі распавялі пра чарговыя спробы прарыву з Беларусі праз мяжу. Толькі 19 сакавіка ў іх удзельнічалі 135 чалавек (напярэдадні — 80). Амаль усе яны былі спынены. У бок памежнікаў зноў ляцелі камяні і галінкі.
Аднак пяць чалавек здолелі нелегальна патрапіць у Польшчу, іх дагэтуль шукаюць. За дапамогу мігрантам затрыманыя 2 чалавекі.
Як вядома, адказнасць за міграцыйны крызіс Польшча і іншыя краіны ЕС ускладаюць на рэжым Аляксандра Лукашэнкі.
