Пуцін заявіў, што Беларусь і Расію падштурхоўваюць паскорыць аб'яднанне
![Пуцін заявіў, што Беларусь і Расію падштурхоўваюць паскорыць аб'яднанне](/sites/default/files/styles/gallery_main/public/2023-08/poverty-4561704_1280.jpg.webp?itok=7oHhWDQW)
Уладзімір Пуцін выказаўся наконт паскарэння інтэграцыі Беларусі і Расіі. У пятніцу ён выступіў з відэазваротам да ўдзельнікаў IX Форума рэгіёнаў РБ і РФ, які праходзіць у Гродне. "Беспрэцэдэнтны палітычны і санкцыйны ціск з боку так званага калектыўнага Захаду падштурхоўвае нас да таго, каб паскорыць аб'яднальныя працэсы, — цытуе словы Пуціна яго прэс-служба. — Бо разам прасцей мінімізаваць шкоду ад прымаемых незаконных санкцый, лягчэй асвойваць выпуск запатрабаванай прадукцыі, напрацоўваць новыя кампетэнцыі і пашыраць супрацоўніцтва з дружалюбнымі краінамі".
Аляксандр Лукашэнка ў сваім відэазвароце заявіў, што краіны постсавецкай прасторы "павінны быць шчыра зацікаўлены ў збліжэнні" з саюзнай дзяржавай Беларусі і Расіі, "калі, канешне, яны хочуць захаваць свой суверэнітэт і незалежнасць". Атрымліваецца, што на словах Лукашэнка не бачыць ніякай пагрозы з боку Расіі. Напярэдадні ён гаварыў, што не трэба крычаць, што "тут Пуцін захапіў Беларусь".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.