"Раснафта" таксама хоча купіць долю Керымава ва "Уралкаліі"

Кампанія "Раснафта" вырашыла купіць долю бізнесмена Сулеймана Керымава ва "Уралкаліі", паведамляе агенцтва РІА Навіны са спасылкай на крыніцу, блізкую да перамоваў.

Па словах суразмоўцы агенцтва, кіраўніцтва нафтагазавай кампаніі можа абысці ў перамовах банкіра Уладзіміра Когана, якога раней абвясцілі пакупніком акцый Керымава. Прадстаўнікі "Раснафты", "Уралкалія", а таксама Когана пакуль ніяк не пракаментавалі гэту інфармацыю.

Нагадаем, 13 верасня адвакат Аляксандр Дабравінскі паведаміў аб тым, што Сулейман Керымаў прадаў долю ва "Уралкаліі" ў абмен на свабоду партнёра Уладзіслава Баўмгертнера. Па словах адваката, продаж будзе завершаны на працягу бліжэйшых двух-трох тыдняў. 20% ад агульнай сумы продажу ўжо выплачаныя.

Па словах адваката, на працягу гэтага ж часу з СІЗА КДБ будзе адпушчаны гендырэктар "Уралкалія" Уладзіслаў Баумгертнер. Ён жа застанецца на сваёй ранейшай пасадзе, паведамляе Дабравінскі. Ён дадае, што беларускі бок цалкам задаволены паваротам падзей.

Нагадаем, што Следчы камітэт Беларусі распачаў справу ў дачыненні да кіраўнікоў "Уралкалія" і яго галоўнага акцыянера Сулеймана Керымава. Гендырэктар кампаніі апынуўся ў турме КДБ.