Салах заявіў, што паедзе на чэмпіянат свету ў Расію
Нападаючы "Ліверпуля" і футбольнай зборнай Егіпта Махамед Салах заявіў, што паедзе на чэмпіянат свету ў Расію. У фінале Лігі чэмпіёнаў ён атрымаў траўму пляча і ўзнікла пагроза, што адзін з лепшых форвардаў свету можа прапусціць сусветнае першынство.
"Гэта была вельмі цяжкая ноч, але я баец, — піша Салах у Twitter. — Нягледзячы на ўсё, я ўпэўнены, што буду ў Расіі, і вы будзеце ганарыцца мной. Ваша любоў і падтрымка дадуць мне сілы, у якіх я маю патрэбу".
Чэмпіянат свету па футболе стартуе ў Расіі 14 чэрвеня. На групавым этапе зборная Егіпта згуляе з Расіяй, Уругваем і Саудаўскай Аравіяй.
It was a very tough night, but I'm a fighter. Despite the odds, I'm confident that I'll be in Russia to make you all proud. Your love and support will give me the strength I need. pic.twitter.com/HTfKF4S70e
— Mohamed Salah (@MoSalah) 27 мая 2018 г.
