Штрафу актывістам хопіць на 38 гадзінаў пікетавання “Поедем поедим” знутры

Калі ўлічыць, што пратэсты не сканчаюцца і гэтыя штрафы, імаверна, не апошнія, абаронцы Курапатаў могуць абраць больш элегантную і больш бяспечную стратэгію пратэстаў. За гэтыя грошы можна арандаваць у “Поедем поедим” домік і пікетаваць рэстаран знутры!

3797,5 рубля хопіць амаль на 38 гадзінаў арэнды. За гэтыя грошы 7-10 чалавек змогуць бесперашкодна пранікнуць на тэрыторыю забаўляльнага комплекса і рабіць там усё, што заўгодна, у межах беларускага заканадаўства і ўнутраных правілаў. Ні тое, ні другое не забараняе, напрыклад, тлумачыць іншым наведнікам, што яны збіраюцца паесці побач з месцам, дзе ў 1930-я расстралялі тысячы беларусаў.