Сапраўднае лета прыйдзе ў Беларусь з 10 ліпеня
Беларусам надакучыла халоднае лета, хмары і адсутнасць сонца. Калі нарэшце пацяплее і ці пацяплее наогул? Ці з'яўляецца нормай такое надвор’е для нашай краіны і ці чакаюць да канца лета нас дажджы і аранжавыя ўзроўні небяспекі? Ці былі больш халодныя чэрвені і ліпені ў гісторыі нашай краіны і наколькі небяспечная такая колькасць ападкаў для ураджаю? У студыі Еўрарадыё начальнік аддзела кароткатэрміновых прагнозаў надвор’я Гідрамета Аляксандр Бяганскі пераконвае беларусаў не хвалявацца і трошкі пачакаць. Ужо пачынаючы з 10 ліпеня і надвор'е мусіць палепшыцца і стаць больш-менш падобным да летняга.
