СМІ паведамляюць пра затрыманне лідара страйкаму "Беларуськалія" Анатоля Бокуна

Лідар стачкама "Беларуськалія" Анатоль Бокун затрыманы, паведамляе Onliner.by са спасылкай на свае крыніцы.

"Ён паспеў напісаць, што яго затрымліваюць...", сказаў суразмоўца партала.

Раней у тэлеграм-канале стачкама ААТ "Беларуськалій" з'явілася інфармацыя ад самога Бокуна, які паведамляў, што "невядомыя блакавалі яго ў доме ў бацькоў, хутчэй за ўсё будуць затрымліваць".

На гэтым тыдні ў інтэрв'ю "Народнай волі" Анатоль Бокун распавёў, што нарвежскі партнёр "Беларуськалія", кампанія Yara, вырашыла адправіць на беларускае прадпрыемства свайго прадстаўніка для назірання за сітуацыяй. Па словах Бокуна, на днях ён размаўляў па відэасувязі з гендырэктарам Yara Свэнсанам Туры Холзэтэрам. Размова адбылася па ініцыятыве  нарвежскага боку.

Падчас гэтай гутаркі, па словах лідара стачкама, гендырэктар Yara і паведаміў навіну: "іх прадстаўніка вырашана дэлегаваць у Салігорск. На "Беларуськаліі" ён будзе знаходзіцца і маніторыць сітуацыю каля паўгода".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.