Старшыні Савета Рэспублікі падарылі клюшку-відэлец (відэа)
Незвычайны сувенір Анатоль Рубінаў атрымаў 28 студзеня.
Такі сталовы інструмент прапаноўваецца выкарыстоўваць на аб'ектах грамадскага харчавання падчас мінскага чэмпіянату свету па хакеі. Ён сумяшчае ў сабе функцыі відэльца і сталовага нажа, візуальна пры гэтым нагадваючы клюшку, піша сайт "Беларускія навіны".
Праект клюшкі-відэльца быў прадстаўлены на абароне 50 лепшых праектаў у рамках ініцыятывы "100 ідэй для Беларусі". Аўтар праекта — гомельскі журналіст Станіслаў Галкоўскі. Свой сталовы прыбор ён назваў "чыкен-по" (сhicken paw — з англійскай "курыная лапа").
