Свет беларускамоўнага фэнтэзі — які ён?
Вы любіце фэнтэзі? На самай справе прыхільнікаў у гэтага літаратурнага жанру вельмі шмат. І выбар у іх вялікі: можна пачытаць пра прыгоды "пападанцаў", можна — пра чарадзеяў, эльфаў і драконаў, можна... Шмат пра што. Але ці шмат вы бачылі фэнтэзі-літаратуры на беларускай мове? Прычым, каб гэта былі не пераклады, якіх таксама няшмат, а менавіта творы, адпачатку напісаныя па-беларуску? Я — не. Але і такія кнігі пачынаюць з'яўляцца.
Чаму сваю "Кнігу здольных" аўтарка вырашыла пісаць па-беларуску і як ставіцца да слоў, што такім чынам яна губляе рускамоўнага чытача? Чым фэнтэзі Святланы Аўдзейчык адрозніваецца ад іншых твораў гэтага жанру? Як спакусіць маладога чытача прачытаць беларускамоўнае фэнтэзі?
На гэтыя ды іншыя пытанні ў жывым эфіры Еўрарадыё адказвае аўтарка "Кнігі здольных" Святлана Аўдзейчык.
