У Гомелі школьніца ўпала з 6-га паверха недабудаванага будынка
У Гомелі вучаніца 8-га класа ўпала з 6-га паверха недабудаванага будынка. Яна атрымала шматлікія траўмы і знаходзіцца ў рэанімацыі.
Як паведаміў БЕЛТА афіцыйны прадстаўнік УУС Гомельскага аблвыканкама Віталь Прыстромаў, няшчасны выпадак адбыўся ўвечары 18 верасня. Недабудаваны будынак знаходзіцца побач з абласной клінічнай бальніцай. Хуткую дапамогу выклікалі сябры дзяўчынкі, якія знаходзіліся побач з ёй. Праваахоўнікі праводзяць праверку, высвятляюць, што стала прычынай здарэння, апытваюць сведкаў.
