У Грузіі ў ДТЗ загінула беларуска, яе спадарожнік атрымаў цяжкія траўмы
ДТЗ адбылося ў цэнтры горада (ілюстрацыйнае фота) / pixabay.com
У Грузіі ў ДТЗ загінула 25-гадовая грамадзянка Беларусі, яе спадарожнік атрымаў цяжкія траўмы. У таксі, на якім яны ехалі, паводле папярэдняй інфармацыі, урэзаўся іншы аўтамабіль. Пасажыраў выкінула з машыны. Дзяўчына памерла на месцы здарэння. Мужчына шпіталізаваны, ён выйшаў з комы, але застаецца ў цяжкім стане, піша "Позірк".
Здарэнне адбылося ўначы 16 лютага ў цэнтры Батумі. Згаданыя беларусы праважалі сястру дзяўчыны, якая ляцела ў Беларусь. Яна даведалася пра трагедыю, калі ўжо была ў Мінску.
Вядома, што кіроўца таксі таксама шпіталізаваны. Кіроўца іншага аўтамабіля затрыманы.
