У Кармянскім раёне вясковец запраўляў газонакасілку і падпаліў свой дом

У Кармянскім раёне вясковец запраўляў газонакасілку і падпаліў свой дом. Здарэнне адбылося ў чацвер у вёсцы Высокая. Адбылася ўспышка гаручай вадкасці, з-за чаго загарэлася маёмасць на верандзе. Мужчына атрымаў апёкі, інфармуе прэс-служба МНС.

Калі прыехалі ратавальнікі, будынак быў ахоплены адкрытым полымем, яго жыхары знаходзіліся на вуліцы. Пажар хутка ліквідавалі. Агонь паспеў пашкодзіць маёмасць на верандзе і каля 40 квадратных метраў даху.

Пацярпелага шпіталізавалі.