У Круглым на пажары ў доме загінуў мужчына

У Круглым  на начным пажары ў доме загінуў 34-гадовы мужчына. Здарэнне адбылося ў ноч на 19 траўня, паведамляе прэс-служба Магілёўскага абласнога ўпраўлення МНС. На момант прыбыцця пажарных прыватны дом па вуліцы Цэнтральнай гарэў адкрытым полымем.

Труп гаспадара дома знайшлі пад абрынутымі канструкцыямі. Са словаў суседзяў, мужчына характарызаваўся станоўча. Ён нідзе не працаваў і жыў адзін. На ўліку нідзе не стаяў.

Агонь пашкодзіў дах, перакрыцце і маёмасць у доме. Прычына пажару высвятляецца.