У Магілёве злавілі бабра, які вырашыў пасяліцца ў горадзе (фота)

У Магілёве злавілі бабра, які вырашыў пасяліцца ў горадзе. Удзень 25 красавіка жывёлу заўважылі ў нары ў раёне праспекта Міра. Ратавальнікі выставілі агароджу гэтага месца, каб ізаляваць бабра, а работнікі “Спецаўтапрадпрыемства” яго выцягнулі з нары.

Жывёлу вывезлі за горад і адпусцілі, інфармуе прэс-служба МНС.