У Мінску летась план па штрафах перавыканалі амаль у тры разы
Чыноўнікі шукаюць розныя спосабы для папаўнення бюджэту / sb.by
У Мінску ў 2022 годзе план па штрафах перавыканалі амаль у тры разы. Гэта вынікае са справаздачы Мінгарсавета, апублікаванай на Нацыянальным прававым інтэрнэт-партале РБ.
Планавалася, што гарадскі бюджэт атрымае ў выглядзе штрафаў крыху больш за 11 мільёнаў рублёў. Аднак у выніку сабралі 30,7 млн. Першапачатковы план карэктавалі — да 30,5 млн рублёў. Але ў выніку ўсё роўна сабралі больш.
