У Мінску міліцыянеры затрымалі каля 30 студэнтаў
Здарэнне адбылося ўвечары 18 верасня каля станцыі метро "Фрунзенская".
Як паведамляе "Наша ніва", павінен быў адбыцца чарговы прагляд "кіно ў пераходзе". Удзельнікі хацелі паглядзець дакументальны фільм пра вулічнага мастака Бэнксі ў пераходзе каля журфака БДУ. Аднак моладзь затрымалі і прывезлі ў Маскоўскі РУУС. Большасць удзельнікаў праз нейкі час адпусцілі.
Нагадаем, гэта ўжо другі зрыў прагляду "кіно ў пераходзе" ў беларускай сталіцы. 12 верасня былі затрыманыя 25 чалавек.
Фота — bymedia.net
