У Мінску судзяць мужчыну за каментары пра тэракт у "Крокусе"
Мужчыну абвінавачваюць адразу паводле трох артыкулаў Крымінальнага кодэксу. / VK
Сёння ў Мінскім гарадскім судзе пачалі разглядаць справу 44-гадовага Рамана Якімёнка, пра гэта паведамляе праваабарончы цэнтр "Вясна".
Мужчыну абвінавачваюць паводле трох артыкулаў Крымінальнага кодэксу: арт. 368 (абраза Лукашэнкі), арт. 130 (распальванне сацыяльнай варожасці і варажнечы), арт. 361-4 (садзейнічанне экстрэмісцкай дзейнасці). Суддзёй выступае Вера Галаўкова.
Паводле тэлеграм-канала сілавікоў, Рамана затрымалі ў сакавіку 2024 году за каментары аб тэракце ў падмаскоўным "Крокус Сіці Холе".
