У Мінску з гандлёвага цэнтра "Сілуэт" эвакуявалі 600 чалавек
Эвакуяваныя з гандлёвага цэнтра / t.me/mchs112by/
У Мінску з гандлёвага цэнтра "Сілуэт" эвакуявалі 600 чалавек. У чацвер у памяшканні венткамеры паркінга ў яго будынку адбылося ўзгаранне. Маёмасць і абсталяванне гарэлі на плошчы каля 20 квадратных метраў. Узгаранне хутка ліквідавалі ратавальнікі. Ніхто з людзей не пацярпеў.
На вуліцу Веры Харужай прыязджала шмат адзінак спецтэхнікі, медыкі. Што стала прычынай узгарання, пакуль невядома.
Таксама ўзгаранне адбылося на тэрыторыі прадпрыемства "Белмедпрэпараты". На месцы працавалі 17 адзінак тэхнікі і 68 ратавальнікаў. Прычына здарэння пакуль невядомая.
