У Мінску затрымалі Дзмітрыя Кучука, які хацеў ушанаваць памяць Навальнага
Дзмітрый Кучук / Кадр з відэа
У Мінску затрымалі Дзмітрыя Кучука, які хацеў ушанаваць памяць Аляксея Навальнага. Расійскі апазіцыянер і палітвязень 16 лютага загінуў у калоніі ў Расіі. Кіраўнік ліквідаванай Беларускай партыі "Зялёныя" прыйшоў да расійскага пасольства, каб ускласці кветкі і запаліць лампадкі.
Кучук паспеў паведаміць, што каля пасольства РФ знаходзіцца шмат амапаўцаў. Вядома, што пасля затрымання яго адвезлі ў Цэнтральны РУУС.
Акцыі памяці Навальнага ў пятніцу праходзяць у розных краінах свету. У Расіі іх удзельнікаў разганяюць ці затрымліваюць.
