У Нью-Ёрку Макей пабачыў Ціханоўскую
Уладзімір Макей і іншыя члены дэлегацыі РБ у ААН / twitter.com/BelarusMID
Міністр замежных спраў РБ Уладзімір Макей і кіраўніца Аб'яднанага Пераходнага Кабінета Святлана Ціханоўская амаль сутыкнуліся на выхадзе з будынка Генасамблеі ААН. Пра гэта "Нашай ніве" расказаў дарадца Ціханоўскай Франак Вячорка.
"Ён выходзіў з будынка разам з дэлегацыяй, — кажа Вячорка. — ...Ён пабачыў Ціханоўскую і прыспешыў крок. Мы яго паклікалі, але ён ужо збег".
У кулуарах Генасамблеі ААН Святлана Ціханоўская ўжо сустрэлася з кіраўніцай Еўракамісіі Урсулой фон дэр Ляен, з прэзідэнтам Літвы Гітанасам Наўседай, прэзідэнтам Польшчы Анджэем Дудай, з прэзідэнтам ПА АБСЕ Маргарэтай Сэдэрфельт, генеральным сакратаром Савета Еўропы Марыяй Пейчынавіч-Бурыч.
На пасяджэнні Саўбеза ААН падчас выступаў міністраў замежных спраў Макей спрабаваў даказаць, што Беларусі не "памагаты агрэсара", а ледзьве не "міратворац". "Беларусь ніколі не выступала за вайну. Але мы і не здраднікі!", — гаварыў ён. Уладзімір Макей заявіў, што беларускія салдаты не былі на тэрыторыі Украіны, але забыўся згадаць, што з Беларусі па краіне-суседцы ляцелі расійскія ракеты.
The United Transitional Cabinet demands that must unconditionally withdraw all troops from Belarus. We call on the international community to fulfill its stated policy with practical measures to ensure that Belarus can continue to exist as an independent nation. #UNGA pic.twitter.com/0tlMPmfUdk
— Sviatlana Tsikhanouskaya (@Tsihanouskaya) September 22, 2022
